ҚР ІІМ ҚАЖ Комитетінің бастамасымен сотталған азаматтардың құқықтық мәдениетін қалыптастыру, адам құқықтары жөніндегі халықаралық қағидаларды түсіндіру және құқықтық санасын арттыру мақсатында, Жамбыл облысы бойынша ҚАЖ департаментіне қарасты №67 мекемесінде Нельсон Мандела қағидаттарына негізделген тәрбиелік іс-шара ұйымдастырылды.

Мекеменің тәрбие жұмысы жөніндегі бөлімінің бастамасымен, әлеуметтік-психологиялық тәрбие жұмысы бөлімінің мамандарымен бірлесе, адам құқығы саласындағы халықаралық стандарттар, гуманизм, төзімділік және тұлғалық даму мәселелеріне арналған ақпараттық-түсіндіру жұмыстары жүргізілді.

Сонымен қатар, іс-шара аясында сотталғандар арасында “Адам құқығы және Мандела қағидаттары” тақырыбында плакат және сурет байқауы ұйымдастырылды. Байқаудың мақсаты – қатысушылардың шығармашылық қабілетін дамыту, адам құқықтарының маңызын визуалды түрде жеткізу және ғылыми-танымдық ой-өрісін кеңейту. Әрбір қатысушы Мандела қағидаттарын өз түсінігі бойынша бейнелеп, адамгершілік, құқықтық жауапкершілік пен ерік-жігер тақырыптарын көркемдік формада көрсетті.

Қорытындысында, аталған іс-шара сотталған азаматтардың құқықтық сауатын арттыруға, ішкі мотивациясын күшейтуге және тұлғалық дамуына оң ықпал етті.