Тараз қаласында өткен «Борышкер» жедел-профилактикалық іс-шарасы кезінде жол қозғалысы ережелерін жүйелі түрде бұзған Mitsubishi Pajero көлігінің жүргізушісі анықталды, деп хабарлайды Jambylinfo.kz 

Тексеру барысында аталған азаматтың 43 рет әкімшілік құқық бұзушылық жасағаны, оның барлығы жылдамдықты рұқсат етілген мөлшерден асырумен байланысты екені белгілі болды. Жүргізуші жол ережелерін елемей, өзге жол қозғалысына қатысушылардың қауіпсіздігіне қатер төндірген.

 Жалпы, жыл басынан бері «Борышкер» іс-шарасы аясында 5 353 автокөлік арнайы тұраққа жеткізілген.

Полиция жүргізушілерді жол қозғалысы талаптарын сақтауға және жылдамдық режимін бұзбауға шақырады.