Қоғамдық бастамаларды ілгерілетуге белсенді қатысып жүрген ұйым өкілдеріне дипломдар мен сертификаттарды облыс әкімінің орынбасары Серік Сәлемов табыстады.

Үздік ҮЕҰ-ды марапаттау

Шара барысында азаматтық қоғамды нығайтуға ерекше үлес қосқан ұйымдар бірнеше номинация бойынша жеңімпаз атанды.

«Мәдениет пен өнерді дамыту» номинациясы

Жеңімпаз – «Sheber Shanyraq» мүгегектер қоғамдық бірлестігі.

Ұйым басшысы Анар Бексұлтанның мәдениет пен өнерді өркендетуге қосқан еңбегі жоғары бағаланды.

«Білім беру, ғылым, ақпарат, дене шынықтыру және спорт» номинациясы

Бұл аталымның үздігі – «JASTAR» дамыту орталығы.

Жастардың білімін, танымдық белсенділігін және спортқа қызығушылығын арттыруға бағытталған жобалары үшін ұйым басшысы Мұратбаев Қаныбек Жарылқасынұлы марапатталды.

«2025 жылғы белсенді ҮЕҰ» байқауы

«Азаматтық бастамаларды қолдау орталығы» КЕАҚ гранттық қаржыландыруымен іске асатын «Тараз – азаматтық орталық» жобасы аясында биылғы белсенді ҮЕҰ-дар анықталды. Байқаудың мақсаты – өңірдегі ұйымдардың қоғам өміріне қосып жатқан үлесін атап өту және олардың бастамаларын қолдау.

«Әлеуметтік бастама көшбасшысы»

Бұл номинацияда «Елім-ай Достық» қоғамдық бірлестігі жеңіске жетті.

Төрайымы Ким Полина Александровна жетекшілік ететін ұйым әлеуметтік мәселелерді шешуге бағытталған жобаларымен танымал.

«Жастарды қолдаушы ҮЕҰ»

Жеңімпаз – Жамбыл облыстық «Желтоқсан ұшқыны» қоғамдық бірлестігі.

Төрағасы Кеншинбеков Талғат Дүкенбайұлы жастардың патриоттық тәрбиесі мен азаматтық белсенділігін арттыру бағытындағы жүйелі жұмысы үшін марапатталды.

Үздік әлеуметтік жобалар анықталды

Шара аясында «Жамбыл облысының үздік әлеуметтік жобалары» конкурсының нәтижелері жарияланды. Байқау қоғамға нақты пайда әкелетін, халықтың өмір сапасын жақсартуға бағытталған бастамаларды қолдауды мақсат етеді.

Бас жүлде – «KILEM» жобасына

«Jambyl civil hub» жобасы шеңберінде өткізілген конкурста «KILEM» жобасы үздік деп танылды.

Жоба әлеуметтік осал топтағы жастарды қолдауға бағытталған және қатысушыларға нақты дағдыларды меңгеруге мүмкіндік береді.

Жобаны жүзеге асырып отырған «Жамбыл Жастары» қоғамдық бірлестігі, төрайымы Дятлова Наталья Викторовна марапат алды.

Бүгінгі кездесу – өңірдің азаматтық қоғамына көрсетілген үлкен қолдау. Марапатталған ұйымдардың әрқайсысы қоғамның дамуына өз үлесін қосып, жаңа бастамаларға жол ашып келеді. Бұл марапаттар – олардың еңбегіне берілген лайықты баға әрі алдағы жұмыстарына жаңа серпін.