Жамбылдық жастардың бір шоғыры «Ақылды ферма» жобасын жасап, ауыл ша­руа­шылығы саласына тың серпін әкелуде

Жамбыл облысы, Тұрар Рыс­құлов ауданы, Көгершін ауы­лын­дағы Ақтоған мектебінің оқушылары мал шаруашы­лығына бағытталған жоба ойлап тапты, деп хабарлайды Jambylinfo.kz 

Көгершін ауылы аты әлемге танылған Абсент сәйгүлігімен белгілі болса, мұндағы жастар осы асылтұқымды жылқы шаруашылығын мықтап дамытуды көздеп отыр. Мектеп оқушылары жылқы ферма­ла­рын­да жұмыс істейтін малшылардың ауыр еңбегін көріп, информатика пәнінен дәріс беретін мұғалімімен бірге «Ақылды ферма» жобасын әзірлеп шығарған. Бұл жобалары республикалық Fibonacci Robot Olympiad байқауына қатысып, ІІ орынды жеңіп алған. 

Бекназар Маратбек, Қайыр­жан Орынбасар, Нұртас Балтабай, Темірхан Шәкен, Омар Қайыржан сияқты ізденімпаз балалар осы­лайша өз идеяларын жан-жақты дамыта отырып, елге пайдасы тиер іс жасағысы келеді. 

Айта кетейік, «Ақылды фер­ма» жобасын әзірлеуде инфор­матика пәнінің мұғалімі, мектеп директорының оқу ісі жөніндегі орынбасары Мұрасбек Байше­ми­ров те ерекше үлес қосқан. 

Астана қаласында өткен рес­публикалық байқауға 650 коман­да, 2000-ға жуық оқушы мен 250-ден аса мұғалім қатысқан. Осындай дүбірлі додада жоғары нәтиже көрсетіп, ІІ орын алған Ақтоған шағын орталықты орта мектебінің оқушылары «Көгер­шін» тобы атауымен бақ сынаған. Ал топ жетекшісі Нұрсұлтан Бо­лат­бек достарымен бірге ауыл­дастарының игілігіне жарайтын жаңа жобаларды дайындауға тағы ізденіс үстінде жүргендерін айтады.