Алматыда ірі жол апатынан 3 адам зардап шекті
Бұл туралы Алматы қалалық Полиция департаменті хабарлады
Алматыда ірі жол апатынан 3 адам зардап шекті, деп хабарлайды Jambylinfo.kz
Алматы қалалық Полиция департаментінің мәліметіне сүйенсек, Haval көлігінің жүргізушісі Рысқұлов даңғылы бойымен шығысқа қарай қозғалып, Сейфуллин даңғылымен қиылысты кесіп өткеннен кейін рөлге ие бола алмай қалған.
Нәтижесінде ол көршілес қатардағы Chery көлігіне соғылып, қарсы жолаққа шығып кетіп, батыс бағытта келе жатқан Audi және Hongqi автокөліктерімен соғысқан.
Haval жүргізушісі ауыр жағдайда ауруханаға жеткізілді. Audi көлігінің жүргізушісі мен Hongqi жолаушысы облыстық ауруханаға жатқызылды.