«Қазгидромет» алдағы күндері Қазақстан аумағында күн күрт суытатынын мәлімдеді, деп хабарлайды Jambylinfo.kz 

Елге Батыс антициклоны жақындап, суық ауа массаларының әсерінен температура айтарлықтай төмендейді.

Солтүстік, шығыс және орталық өңірлерде күндізгі температура +12…+17°C дейін түседі. Бұл – соңғы апталардағы жылы күндермен салыстырғанда едәуір салқын.

— Жылы күндерден кейін Қазақстан аумағына Батыс антициклоны ығыса бастайды. Суық ауа массаларымен толығып, ол еліміздің басым бөлігінде ауа температурасының айтарлықтай төмендеуін әкеледі – солтүстік пен шығыста күндізгі уақытта сынап бағаны +12…+17 градусқа дейін төмендейді. Тіпті оңтүстік өңір тұрғындары да күздің жақындағанын сезінеді – аптап ыстықтың беті қайтып, +23…+28 градус жылы күтіледі. Тек еліміздің батысы Иран аймақтарынан келетін жылы ауа массаларының ықпалында болып, мұнда ауа температурасы біртіндеп көтеріліп, +32…+37 градусқа дейінгі қатты ыстық күтіледі, — делінген Қазгидромет хабарламасында.