Бүгін Мәжілістің жалпы отырысында «2026–2028 жылдарға арналған республикалық бюджет туралы» заң жобасы қаралып жатыр, деп хабарлайды Jambylinfo.kz 

Талқылау барысында Қаржы және бюджет комитетінің қорытындысында ең төменгі жалақы мөлшерін арттыру ұсынылды.

Комитеттің мәліметінше, Халықаралық еңбек ұйымының ұсынымдарын ескере отырып әзірленген ең төмен жалақыны айқындаудың жаңа әдістемесін қабылдауға байланысты, Әлеуметтік-мәдени даму комитеті бұл көрсеткішті 85 000 теңгеден 110 000 теңгеге дейін ұлғайту қажет деп санайды.

Бұған дейін хабарланғандай, елімізде бір миллионнан астам азамат ең төменгі немесе одан да аз жалақы алады.

Айта кетсек, жуырда Сенат «Дамушы елдерді ерекше ескере отырып, ең төмен жалақыны белгілеу туралы» (№131) халықаралық конвенцияны ратификациялау туралы заңды мақұлдаған болатын.