Ақмола облысының Шортанды ауданында күндіз 1946 жылы туған ер адамның жылқы іздеуге шығып, кейін жоғалып кеткені туралы хабарлама түскен, деп хабарлайды Jambylinfo.kz 

Кешке ол ауылдасына хабарласып, көлігінің батпаққа батып қалғанын және әрі қарай қозғала алмай отырғанын жеткізген.

Көмекке жедел түрде Шортанды және Ақкөл аудандарының ТЖД құтқарушылары жол талғамайтын техникамен жіберілді.

Іздеу жұмыстары барысында ер адам Еңбек пен Егемен ауылдарының арасынан табылды. Құтқарушылар оған қажетті көмек көрсетіп, көлігін батпақтан шығарып, үйіне дейін жеткізді.

Медициналық көмек қажет болған жоқ.