Түнде боран күшейіп, көріну қашықтығы шектелген Еңбекшіқазақ және Іле аудандарының жабық жол учаскелерінде ТЖМ құтқарушылары үздіксіз авариялық-құтқару жұмыстарын жүргізді, деп хабарлайды Jambylinfo.kz 

Қарға батып, жолда қалып қойған азаматтарды эвакуациялау операциялары бірнеше бағытта жүзеге асырылды.

Еңбекшіқазақ ауданында

Қосмос – Базаркелді, Қырбалтабай – Ақжал және Бөлек – БАК бағыттарында құтқарушылар 45 адамды қауіпсіз жерге жеткізді. Сонымен қатар, күртік қарда қалған 20 жеңіл көлік пен 1 жүк көлігі шығарылды.

Іле ауданында

Қонаев – Құрты тас жолында қар құрсауында қалған 43 адам, оның ішінде 1 бала, құтқарылды. Қызметкерлер сондай-ақ 20 жеңіл автокөлікті эвакуациялады.

Барлық азаматтар аман-есен жылыту пункттеріне және қауіпсіз аймақтарға жеткізілді.