Камчаткадағы Ключевский жанартауы оянып, одан 7,2 шақырым биікке күл-тозаң ұшты, деп хабарлайды 

ТАСС жазғандай, ақпаратты Ресей ғылым академиясы Жанартау және топырақтану институтының Камчатка жанартауының атқылауына қарсы әрекет ету тобы хабарлады.

— Вулкандық бұлт 7,2 шақырым биіктікке дейін жетті. Күл шоғыры жанартаудан 57 шақырымға созылды, — дейді ғалымдар.

Олар Ключевскийге қызғылт-сары авиациялық қауіптілік коды берілгенін айтты. Қазір аумақта белгілі бір мөлшерде жанартау күлі бар бу және газ белсенділігі жүріп жатыр. Бұл төмен ұшатын ұшақтарға әсер етуі мүмкін. Сондай-ақ күлдің ұшу биіктігі 10 шақырымға дейін жету қаупі бар.

Ключевский жанартауы — Еуразиядағы ең белсенді жанартау. Бұл диаметрі шамамен 700 метр болатын шың кратері (шұңқыр - ред.) бар конус. Жанартаудың баурайында 80-ге жуық қайталама жарылыс шұңқырлары мен шлак конустары бар.