Арнайы құрылған жұмыс тобы өңір тұрғындары және медицина саласы қызметкерлерімен кездесіп, жаңартылған нормалардың мазмұнын егжей-тегжейлі тарқатуда.

Тараз қаласындағы “Almaz Medical Group” емханасында өткен кезекті кездесуде медициналық ұйым қызметкерлеріне МӘМС туралы заңға енгізілген түзетулердің мәні мен олардың практикалық маңызы түсіндірілді

Шараның негізгі мақсаты – жүйедегі жаңашылдықтарды жеткізу, медициналық қызмет көрсету тетіктерін біріздендіру және сала мамандарының ақпараттық дайындығын күшейту.

Кездесу барысында денсаулық сақтау қызметінің маңызды бағыттарына қатысты өзекті мәселелер талқыланды. Соның ішінде:

* пациенттердің құқықтарын қорғау тетіктері;
* әлеуметтік маңызы бар аурулардың жаңартылған тізбесі;
* ТМККК және МӘМС аясында көрсетілетін қызметтердің көлемі;
* жоспарлы медициналық көмекті ұйымдастыру тәртібі;
* емханалардың тұрғындарды дер кезінде хабардар ету міндеттері;
* сақтандырылған мәртебені жедел тексеру және қалпына келтіру жолдары.

Дәрігерлер мен сарапшылардың айтуынша, мұндай кездесулер халықтың жаңа талаптарды дұрыс түсінуіне және медициналық сақтандыру жүйесінің артықшылықтарын кеңінен пайдалануына мүмкіндік береді. Ашық есік форматындағы ақпараттық жұмыстар облыс көлемінде жалғаса бермек.