АҚШ Энергетика министрлігі мұнай бағасының өсуіне байланысты стратегиялық қордан 172 млн баррель мұнайды нарыққа шығаруды жоспарлап отыр, деп хабарлайды Jambylinfo.kz Silk Way телеграм арнасына сілтеме жасап.

Бағаның көтерілуіне Иранға жасалған әуе соққылары әсер еткен.

Министрліктің мәліметінше, бұл мұнайды жеткізу шамамен 120 күнге созылады. Қазіргі уақытта АҚШ-тың стратегиялық қорында шамамен 415 млн баррель мұнай сақтаулы.

Бұл шара халықаралық деңгейде жүзеге асырылады. Халықаралық энергетикалық агенттікке мүше 32 ел АҚШ Президенті Дональд Трамптың ұсынысын қолдап, мұнай бағасын төмендету үшін жалпы 400 млн баррель мұнай мен мұнай өнімдерін өз резервтерінен шығаруға келіскен.