Қостанай облысында ауа райының қолайсыздығына байланысты жолда қалған азаматтарға дер кезінде көмек көрсетілді, деп хабарлайды Jambylinfo.kz 

Құтқару жұмыстарының нәтижесінде барлығы 8 адам қауіпсіз жерге эвакуацияланды.

Қостанай облысы Жітіқара ауданы, Мүктікөл ауылынан 10 шақырым жерде қар құрсауында қалған жеңіл автокөлік жолдың тазартылған учаскесіне шығарылды. Көлік ішінде екі адам болған.

Тағы бір оқиға Қарасу ауданы аумағында тіркелді. Сүйгенсай ауылынан бес шақырым жерде қарға кептелген екі жеңіл автокөліктен алты адам, оның ішінде бір бала құтқарылды. Азаматтар уақытша жылыту пунктіне орналастырылды.

Құтқарылғандардың ешқайсысы медициналық көмекке мұқтаж болмаған.