Қазір өзін медицина қызметкері ретінде таныстырып, "скринингке жазылдыңыз" деп хабарлайтындар көбейген. Олар телефон арқылы хабарласып, SMS арқылы келген кодты айтуыңызды талап етеді, - деп хабарлайды Jambylinfo.kz 

Министрлік мұндай жағдайға алданбауға кеңес береді. Себебі мемлекеттік емханалар ешқашан скринингке жазылуды SMS-код арқылы растауды сұрамайды.

Алаяқтар сіз айтқан код арқылы жеке деректеріңізге, цифрлық құжаттарыңызға, eGov, Kaspi, банк қосымшалары сияқты маңызды сервистерге кіре алады.

Есіңізде болсын:

– Кодты ешкімге, тіпті өзін медицина қызметкері ретінде таныстырған адамға да айтпаңыз;

– Ақпаратты тек ресми көздерден (eGov, емхана немесе медициналық жүйелер) тексеріңіз;

– Күмән туса – құқық қорғау органдарына хабарласыңыз.

Сақтық – сіздің қауіпсіздігіңіз.