Үндістанның Дели қаласында бокстан Әлем кубогының финалдық кезеңі басталды, деп хабарлайды Jambylinfo.kz 

Қазақстандық спортшылар алғашқы жекпе-жектерін өткізіп үлгерді. Шаршы алаңға ұлттық құраманың бес өкілі шықты.

80 келіге дейінгі салмақта Санжарәлі Бегалиев жартылай финалға жолдама алды. Ол ширек финалда Оңтүстік Корея боксшысы Минсен Кимнен басым түсіп, кем дегенде қола медальді өзіне қамтамасыз етті.

Қалған қазақстандық боксшылар үшін турнир ширек финалда аяқталды.

Нұрсұлтан Алтынбек (55 келіге дейін) үндістандық Паван Бартвалға есе жіберді.

Аман Қонысбеков (75 келіге дейін) Өзбекстан спортшысы Джавохир Абдурахимовқа жол берді.

Бекзат Таңатар (90 келіге дейін) үндістандық Навин Кумарға қарсы кездесуде жеңіліп қалды.

Әйелдер арасында Ақбота Болат ширек финалда үндістандық Минакши Минакшиге жол берді.