Шығыс Қазақстан облысында полиция қызметкерлері тыйым салынған өсімдіктер өсірілетін жасырын фитозертхананы анықтап, оның жолын кесті, деп хабарлайды Jambylinfo.kz 

Есірткі қылмысына қарсы іс-қимыл басқармасының жедел іздестіру іс-шаралары барысында 53 жастағы облыс тұрғынына тиесілі тұрғын үй мен іргелес аумақта заңсыз фитолаборатория жұмыс істейтіні белгілі болды. Сараптама кезінде полицейлер арнайы жабдықталған үй-жайды тапты. Онда кәсіби жабдықтар — жарықдиодты шамдар, желдеткіштер және электронды таразылар — қолданыла отырып, есірткі сипатындағы өсімдіктер өсірілген.

Заңсыз айналымнан 28 түп өсімдік, иісі бар өсімдік тектес заты бар 18 полимерлі пакет, сондай-ақ өсіруге арналған техникалық құралдар тәркіленді. 

Полиция есірткі заттарының заңсыз айналымы қоғамның денсаулығы мен қауіпсіздігіне айтарлықтай қатер төндіретінін атап өтті және азаматтарды бей-жай қалмауға шақырады. Кез келген заңсыз әрекет туралы дереу 102 телефонына хабарласу ұсынылады.