Жамбыл облыстық көпбейінді балалар ауруханасына шұғыл түрде 5 жастағы қыз бала жеткізілді. Бала ішінің қатты ауырып, үздіксіз құсқан.

 Орталықтың дәрігерлері жедел түрде зертханалық тексеру жүргізіп, жедел соқырішек (аппендицит) диагнозын қойды.

Балалар хирургі Хожимурод Омаров шұғыл ота жасады.

   5 жасар Ким Алина есімді қыз балаға жасалған операция сәтті өтті. Қазір оның жағдайы да, көңіл-күйі де жақсы. Егер бәрі ойдағыдай болса, 2–3 күннен кейін анасымен бірге үйіне шығарылады, — деді дәрігер.

Бала анасы Диана Алиева қызының қазіргі жағдайы жақсы екенін айтып, дәрігерлерге алғысын білдірді.

Айта кетейік, Қазақстанда 18 жасқа дейінгі балалар — міндетті әлеуметтік медициналық сақтандыру жүйесіндегі жеңілдік санаттарының бірі ретінде мемлекет есебінен сақтандырылған.