Семейде ер адам 26 жылқыны алаяқтық жолмен иемденді, — деп хабарлайды Jambylinfo.kz polisia.kz cілтеме жасап.

Семей қалалық полиция басқармасына шаруа қожалығы басшысының 43 жастағы орынбасары арызданған. Оның айтуынша, 36 жастағы қала тұрғыны сенімге кіріп, кейін сату үшін деп малды алғанын айтып, 26 жылқыны алаяқтық жолмен иемденген.

Жедел-іздестіру іс-шаралары барысында күдікті анықталып, полиция бөліміне жеткізілді. Тергеу барысында ол кінәсін мойындап, жылқыларды сатып, түскен қаражатты жеке мақсаттарға жұмсағанын түсіндірді.

Аталған дерек бойынша ҚР ҚК 190-бабының 4-бөлігі («Алаяқтық») бойынша сотқа дейінгі тергеп-тексеру амалдары жүргізілуде. Күдіктіге келу туралы міндеттеме рәсімделді.

Полиция өкілдері азаматтарға мүлікке қатысты мәмілелерді міндетті түрде ресми түрде және тиісті құжаттармен рәсімдеуді ескертеді. Мұндай сенімге негізделген әрекеттер ірі материалдық шығындарға алып келуі мүмкін.