Түрікменбашы әуежайында Мемлекет басшысын Түрікменстан Халк Маслахатының төрағасы Гурбангулы Бердімұхамедов күтіп алды. Әуежайда қос тарап аз-кем әңгімелесіп, қазақ-түрікмен достығының берік негізін атап өтті.

– Қасиетті түрікмен жерінде Сізбен қайта жүздескеніме қуаныштымын. БҰҰ Бас хатшысының қатысуымен өтіп жатқан форум – Түрікменстанның бейтараптық саясатының және халықаралық аренадағы беделінің айқын дәлелі. Қазақстан бұл саясатты толығымен қолдайды,-деді Тоқаев.

Кездесу барысында қос тарап екі ел арасындағы ынтымақтастықты нығайту, достық пен тату көршілікті одан әрі тереңдету мәселелерін сөз етті.