Бүгін еліміздің батысы мен оңтүстігінде күн қатты ысиды. Синоптиктер сынап бағанасы 43 градусқа дейін көтеріледі деп болжайды. Сондықтан аталған өңірлерде өрт қаупі сақталып отыр. Сондай-ақ Қостанай аймағында ауа температурасы 37 градусқа дейін жоғарылайды. Ал Жамбыл, Ақтөбе және Батыс Қазақстан облысының кей жерінде найзағай ойнап, бұршақ түсуі мүмкін. Ел астанасы Нұр-Сұлтанда бүгін сынап бағанасы 30 градус шамасында болады.