Ұлыбритания астанасында болған ауқымды ереуіл Лондон метросының жұмысын айтарлықтай шектеп, ондаған мың жолаушының жоспарын өзгертуге мәжбүр етті, деп хабарлайды Jambylinfo.kz 

The Associated Press-тің мәліметінше, теміржол, теңіз және көлік қызметкерлерінің кәсіподағы (RMT) ұйымдастырған ереуіл ресми түрде 5 қыркүйекте басталған. Алайда оның негізгі кезеңі 8 қыркүйектен іске қосылды.

11 қыркүйекке дейін метро станциялары жергілікті уақытпен тек 08:00–18:00 аралығында ғана жұмыс істейді. Бұл қала тұрғындары мен қонақтарының еркін қозғалуына кедергі келтіріп отыр. Кәсіподақ мүшелері жалақыны көтеруді және еңбек жағдайын жақсартуды талап етуде. Осы себептен метрополитеннің қалыпты кестесі бұзылды.