Ұлттық Банк «Қазақстанның әдет-ғұрыптары, ұлттық ойындары» монеталар сериясынан QAZAQ KÚRESI коллекциялық монеталарын айналымға шығарады, деп хабарлайды Jambylinfo.kz    

Коллекциялық монеталар 2025 жылғы 17 желтоқсаннан бастап ҚҰБ-тың ресми интернет-дүкені арқылы сатылымға шығарылады.

«Қазақ күресі» – қазақ халқының дәстүрлі ұлттық күресі. Бұл спорт түрі сан ғасырлық тарихқа ие және қазақ мәдениетінің ажырамас бөлігі саналады. Жекпе-жек барысында қарсыластар ептілік пен төзімділікті сынға салады.

Коллекциялық монеталардың сипаттамасы:

– алтын жалатылған, күміс сынамасы 925, массасы 24 грамм, диаметрі 37 мм, дайындау сапасы – proof, номиналы – 1 000 теңге, таралымы – 2 000 дана;

– мельхиор (МН 25) қоспасынан дайындалған, массасы 15 грамм, диаметрі 33 мм, дайындау сапасы – brilliant uncirculated, номиналы – 200 теңге, таралымы – 5 000 дана;

– нейзильбер (МНЦ 15-20) қоспасынан дайындалған, массасы 11,17 грамм, диаметрі 31 мм, дайындау сапасы – uncirculated, номиналы – 200 теңге, таралымы – 50 000 дана.

Айта кетейік, аталған коллекциялық монеталар Қазақстан Республикасының бүкіл аумағында белгіленген номиналдық құны бойынша төлемнің барлық түрлері үшін қабылданады, сондай-ақ елдің барлық банктерінде банк шоттарына есепке алынуға, аударуға, айырбастауға және ұсақтауға жатады.