Инвесторлардың айтуынша, бұл қаржы схемасын «Тендерлік биржа» компаниясының негізін қалаушысы Шыңғыс Құрманғалиев ұйымдастырған. Ол — атышулы «Mudaraba Capital» ісі бойынша сотталған Алмас Құрманғалиевтің туған інісі.

Алматыда өткен баспасөз мәслихатында салымшылар тергеу ісінің баяу жүріп жатқанын мәлімдеді. Олардың айтуынша, инвесторларға келген жалпы шығын бір миллиард теңгеден асып кетуі мүмкін. Алайда бүгінге дейін тек кейбір салымшылар ғана жәбірленуші мәртебесін алған. Көпшілігі әлі күнге дейін тергелмеген, дәлелдер тәркіленбеген, ал Шыңғыс Құрманғалиев куәгер мәртебесінде қалып отыр.