Жапонияның Осака қаласында өтетін EXPO-2025 дүниежүзілік көрмесінде Өзбекстан павильоны «Көрме стендтері» номинациясы бойынша Red Dot: Best of the Best беделді дизайнерлік жүлдесіне ие болды.

 Бұған дейін павильон жайында Өзбекстан Президенті Әкімшілігінің басшысы Саида Мирзиёева айтып өткен еді.

 –  Осакада өтіп жатқан EXPO-2025 дүниежүзілік көрмесінде біз Өзбекстан павильонын зор мақтанышпен ұсынамыз. Бұл – жай ғана архитектуралық кеңістік емес, мәдениет, технология және тұрақты даму тоғысқан «Білім бағы», – деді ол.

Айта кетейік, Red Dot Award: Brands & Communication Design – дизайн және коммуникация саласындағы әлемдегі ең беделді марапаттардың бірі. Әр жылдары бұл марапатты Apple, Ferrari, Philips, LG сынды жаһандық брендтер иеленген.