Шу аудандық соты әлеуметтік желілерді пайдалана отырып жасалған жала жабу фактісі бойынша әкімшілік құқық бұзушылық туралы істі қарады, деп хабарлайды Jambylinfo.kz 

Шу қаласының тұрғыны А., «TikTok» әлеуметтік желісі арқылы көршісінің ар-намысы мен қадір-қасиетіне нұқсан келтіретін мәліметтерді таратқан. Басылымда жәбірленушінің беделіне нұқсан келтіретін жалған ақпарат бар.

А.-ның кінәсі тараптардың түсіндірмелерімен, полиция материалдарымен және сараптама қорытындысымен расталды, жарияланған мәліметтер ар-намыс пен қадір-қасиетке нұқсан келтіргені анықталды. Сотта А. кінәсін ішінара мойындап, жәбірленушіден кешірім сұрағанын және бұдан былай мұндай ақпарат таратпайтынын мәлімдеді.

Жәбірленуші істің мән-жайын растап, алайда А.-мен татуласқанын айтып, іс бойынша өндірісті тоқтатуды сұрады. ӘҚБтК 73-3-бабы 2-бөлігінің санкциясы жеке тұлғаға 180 АЕК мөлшерінде айыппұл салуды немесе 20 тәулік мерзімге әкімшілік қамаққа алуды көздейді.

Сот татуласуға байланысты іс бойынша өндірісті тоқтату мүмкіндігі туралы қорытындыға келді. Сот қаулысымен А. әкімшілік жауапкершіліктен босатылып, іс бойынша өндіріс тоқтатылды.