«Тазалық таза жерде емес, тазалық сақталған жерде болады» деген нақыл сөз бар. Расында да, тазалық – әрбір адам үшін ғана емес, кез келген ұжым үшін де маңызды құндылық. Ал тұтас бір мекеменің аумағы мұнтаздай таза болуы – ондағы қызметкерлердің ұйымшылдығы мен жауапкершілігінің айқын көрінісі.
Жамбыл облысы бойынша ҚАЖД-ға қарасты №58 мекемеде тазалық жұмыстары ұйымдастырылды, деп хабарлайды Jambylinfo.kz
Өңірдегі түзеу мекемелерінде жүйелі түрде өткізілетін сенбілік аясында қызметкерлер белсенділік танытты.
Іс-шара барысында мекеме аумағы күл-қоқыстан тазартылып, абаттандыру жұмыстары жүргізілді. Қылмыстық-атқару жүйесінің қызметкерлері ортақ іске жұмылып, тазалық сақтау мәдениетін үлгі етті.
Мұндай шаралар ұжым арасындағы ауызбіршілікті арттырып қана қоймай, қоршаған ортаға деген жауапкершілікті де күшейтеді. Тазалық – тәртіптің бастауы. Сондықтан мекеме қызметкерлері бұл бағыттағы жұмыстарды алдағы уақытта да тұрақты түрде жалғастырмақ.
Ұқсас жаңалықтар
