Экс-министр Қуандық Бишімбаев пен оның туысы Бақытжан Байжановтың сот отырысы алдағы дүйсенбі, 13 мамырда жалғасады, деп хабарлайды jambylinfo.kz.

Бүгін сот отырысында тікелей трансляция тоқтады. Өйткені, сотта екі сотталушының жазасына қатысты мәселелер айтылады. Ал, заң бойынша оған алқабилер қатыспайды. Сондықтан, талқыланып жатқан мәселелер алқабилердің құлағына жетпеу үшін судья сот залындағы журналистерді шығарып, тікелей трансляцияны тоқтатты.

Ал, мәселе талқыланып біткен соң судья алқабилермен бірге ақылдасу бөлмесіне кететіндіктен, процессті 13 мамырға дейін шегерді.