Қазгидромет хабарлауынша, елдің оңтүстік және шығыс аймақтарында жауын-шашынсыз ауа райы сақталады. Кей өңірлерде жел күшейіп, оңтүстікте шаңды дауыл көтерілуі мүмкін.

Астана: күн бұлтты, жаңбыр жауады. Күндіз +26…+28°C, желдің жылдамдығы түнде 9-14 м/с, күндіз 15-20 м/с дейін күшейеді.

Алматы: күн ала бұлтты. Ауа температурасы +36…+38°C. Жел түнде 3-8 м/с, күндіз 13 м/с шамасында.

Шымкент: аптап ыстық сақталады. Күндіз ауа температурасы +38…+40°C. Жел түнде 8-13 м/с, күндіз екпіні 15-20 м/с дейін жетеді.