"Әкімдіктер ұсынған ақпаратқа сәйкес, бүгінгі таңда білім беру нысандарының дайындығы 99,6% құрайды. Сегіз өңірде 42 білім беру нысаны бойынша әлі де жұмыстар жүргізілуде", - деді Өнеркәсіп және құрылыс министрі Қанат Шарлапаев. 24 білім беру нысанында күрделі жөндеу жұмыстары жүріп жатыр. Қалған объектілерде жылу жүйесінде жөндеу жұмыстары аяқталмаған. ▫️Сондай-ақ, министрдің ақпаратынша, денсаулық сақтау нысандары бойынша тоғыз өңірде 62 нысан бойынша дайындық жұмыстары жалғасып жатыр. Дайындалмаған нысандардың ең көбі Абай (28), Ақтөбе (12), Атырау (6) облыстарында.