2026 жылғы 2 наурызда басталған Ұлттық бірыңғай тестілеудің (ҰБТ) алғашқы екі аптасында 67 мыңнан астам талапкер тестілеуден өтті. Оның 66,99%-ы қазақ тілінде, 32,88%-ы орыс тілінде, ал 85 адам ағылшын тілінде тапсырды, деп хабарлайды Jambylinfo.kz 

Екі апталық тестілеу қорытындысы бойынша талапкерлердің 61%-ы шекті балл жинады. Бес пән бойынша орташа балл 59 баллды құрады, ең жоғары нәтиже – 136 балл. Ерекше білім беру қажеттіліктері бар 192 талапкер үшін арнайы жағдайлар жасалған.

Тест тапсырмалары аяқталғаннан кейін 30 минут ішінде апелляцияға беру мүмкіндігі бар. Техникалық себептерге байланысты кейбір апелляциялар тестілеу кезінде де қабылданады. Нәтижелері бар сертификаттар апелляция қаралғаннан кейін жеке кабинеттерде қолжетімді болады.

Екі апталық тестілеу барысында 117 ереже бұзушылық анықталды. 69 талапкер тыйым салынған заттарды алып кірмек болғаны үшін, ал 48 адам тестілеу кезінде ережелерді бұзғаны үшін шеттетілді. Орынбасарлық фактілері тіркелген жоқ.

ҰБТ аяқталған соң 2026 жылғы 31 қазанына дейін бейнежазбаларға талдау жүргізіледі. Тыйым салынған заттарды пайдалану немесе ережелерді бұзу анықталған жағдайда тест нәтижелері жойылады.

Айта кетейік, тестілеуге қатысуға 184 мыңға жуық өтініш түскен.